Туул тосгоны эрүүл мэндийн төв
Бидний үүсэл
Туул тосгоны Эрүүл мэндийн төв нь анх 1964 оны 08 дугаар сарын 10-нд Ажилчны районы 14 дүгээр хорооны эмнэлэг нэртэйгээр байгуулагдаж байсан.
Одоогоор нийт 34 ажилтантай үйл ажиллагааг явуулж байна. 1 давхарт Амбулатори, 2 давхартаа Больницын түвшинд 15 ортойгоор эмнэлгийн тусламж үйлчилгээг, нарын мэргэжлийн түвшинд үйлчилж байна. 3 давхарт Захиргаа, Удирлага эмнэлгийн үйлчилгээний үйл ажиллагаа явуулдаг.
Эрүүл мэндийн цогц, шуурхай, чанартай үйлчилгээг өндөр мэдлэг, чадвар бүхий эмч, мэргэжилтнүүд дэвшилтэт технологид тургуурлан үзүүлж үйлчүүлэгчдийнхээ эрүүл мэнд, сэтгэлд нийцсэн үйлчилгээг хүргэнэ.
Улсын төрөлжсөн нарийн мэргэжлийн жишигт хүрэх загвар эмнэлэг болно.
Хариуцлага, ёс зүй, бүтээн байгуулалт
Туул тосгоны Эрүүл мэндийн төвийн
ҮЙЛ АЖИЛЛАГААНЫ СТРАТЕГИЙН ЗОРИЛГО, ЗОРИЛТ
Нэг. Стратегийн зорилго
Туул тосгоны хүн амд чанартай, хүртээмжтэй, тасралтгүй эрүүл мэндийн тусламж үйлчилгээг үзүүлж, урьдчилан сэргийлэх үйл ажиллагааг сайжруулан, иргэдийн эрүүл мэнд, амьдралын чанарыг дээшлүүлэхэд оршино.
Хоёр. Стратегийн зорилтууд
1. Анхан шатны тусламж үйлчилгээний чанар, хүртээмжийг сайжруулах
- Өрхийн болон тосгоны түвшний тусламж үйлчилгээг стандартын дагуу үзүүлэх
- Алслагдсан иргэдэд хүрч үйлчлэх явуулын болон гэрийн тусламжийг нэмэгдүүлэх
- Хүлээгдэл, чирэгдлийг бууруулах, үйлчилгээний шуурхай байдлыг хангах
2. Урьдчилан сэргийлэх, эрт илрүүлгийн үйл ажиллагааг эрчимжүүлэх
- Халдварт болон халдварт бус өвчний эрт илрүүлгийг тогтмол зохион байгуулах
- Дархлаажуулалтын хамрагдалтыг нэмэгдүүлэх
- Эрүүл мэндийн боловсрол, зан үйлийн өөрчлөлтийг дэмжих сургалт, сурталчилгаа явуулах
3. Хүний нөөцийн чадавхыг бэхжүүлэх
- Эмч, эмнэлгийн ажилтнуудыг мэргэшүүлэх, давтан сургах
- Ажлын байрны ёс зүй, харилцаа хандлагыг сайжруулах
- Ажиллах орчин, нийгмийн баталгааг дэмжих
4. Эмнэлгийн тоног төхөөрөмж, дэд бүтцийг сайжруулах
- Шаардлагатай тоног төхөөрөмжийг үе шаттайгаар шинэчлэх
- Мэдээллийн технологид суурилсан үйлчилгээг нэвтрүүлэх
- Эмнэлгийн орчны аюулгүй байдал, эрүүл ахуйн шаардлагыг хангах
5. Иргэдэд чиглэсэн, нээлттэй, ил тод үйл ажиллагааг төлөвшүүлэх
- Иргэдийн санал хүсэлт, сэтгэл ханамжийн үнэлгээг тогтмол авах
- Олон нийтэд эрүүл мэндийн мэдээллийг шуурхай хүргэх
- Хамтын ажиллагааг өргөжүүлэх (орон нутгийн байгууллага, иргэдтэй)
6. Онцгой байдал, гамшгийн үед бэлэн байдлыг хангах
- Гамшиг, ослын үед ажиллах төлөвлөгөөг боловсруулж, хэрэгжүүлэх
- Эм, хэрэгслийн нөөцийг бүрдүүлэх
- Ажилтнуудыг сургалт, дадлагаар бэлтгэх
Гурав. Хүлээгдэх үр дүн
- Иргэдийн эрүүл мэндийн тусламж үйлчилгээний хүртээмж нэмэгдэнэ
- Өвчлөлийн эрт илрүүлэлт, урьдчилан сэргийлэлт сайжирна
- Иргэдийн сэтгэл ханамж нэмэгдэнэ
- Эмнэлгийн үйлчилгээний чанар, аюулгүй байдал дээшилнэ
Эх сурвалж:
- Харьяалах нэгж: Туул тосгоны эрүүл мэндийн төв
- Хүний нөөцийн мэргэжилтэн: Т.Отгонцэцэг
- Холбогдох дугаар: 7049-7103